Corona: देश म बीते 24 घंटा म मिले हे 29 हजार ले जादा नवा मरीज, पढ़ो पूरा खबर

जय जोहार…. देश म बीते 24 घंटा म कोरोना (Corona) के 29 हजार ले जादा नवा मामला ह सामने आय हे। उहचे 37528 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 414 लोगन मन के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 29398 नवा मरीज के पहचान होय हे। एला मिला के देश म कोरोना संक्रमित मन के संख्या ह 97 लाख 97 हजार हो गे हे।

जेमा ले 3 लाख 62 हजार एक्टिव मामला हे। उहचे 92 लाख 90 हजार 834 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 42 हजार लोगन मन के मौत हो गे हे।