Corona: देश म 24 घंटा म होय हे कोरोना के 3.14 लाख ले जादा नवा मरीज के पहचान, पढ़व

जय जोहार…. देश म कोरोना (Corona) संक्रमण के मामला ह थमे के नाव नई लेवत हे। देश म बीते 24 घंटा म कोरोना के 3.14 लाख ले जादा नवा मरीज सामने आय हे। जबकि 2101 मरीज मन के उपचार के दौरान मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 3 लाख 14 हजार 835 नवा मामला मिले हे। एला मिला के देश म कोरोना संक्रमित मन के संख्या ह 1 करोड़ 59 लाख 30 हजार 965 हो गे हे। जेमा ले 22 लाख 91 हजार 428 एक्टिव मामला हे।

उहचे 1 करोड़ 34 लाख 54 हजार 880 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 84 हजार ले उपर संक्रमित मन के मौत हो गे हे।