Corona: देश म 24 घंटा म सामने आय हे 3.48 लाख ले जादा नवा मामला, पढ़व
जय जोहार…. देश म बीते 24 घंटा म कोरोना (Corona) के 3.48 लाख ले जादा नवा मामला दर्ज करे गे हे। उहचे 3 लाख 55 हजार 338 मरीज मन ल ठीक होय के बाद अस्पताल ले डिस्चार्ज कर दे गे हे। जबकि उपचार के दौरान 4205 मरीज के मौत हो गे हे।
केंद्रीय स्वास्थ्य मंत्रालय ले जारी आंकड़ा के अनुसार देश म बीते 24 घंटा म कोरोना के 3 लाख 48 हजार 421 नवा मरीज मिले हे। एला मिला के देश म कोरोना (Corona) संक्रमित मन के संख्या ह 2 करोड़ 33 लाख 40 हजार 938 हो गे हे। जेमा ले 37 लाख 04 हजार 099 एक्टिव मामला हे।
उहचे 1 करोड़ 93 लाख 82 हजार 642 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 2 लाख 54 हजार 197 मरीज मन के जान चले गे हे।
