Corona: देश म पिछिले 24 घंटा म सामने आय हे 35871 नवा मरीज, पढ़व

जय जोहार…. (Corona) देश म बीते 24 घंटा म कोरोना के 35 हजार ले जादा नवा मरीज के पहचान होय हे। उहचे 17741 मरीज ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 172 संक्रमित के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 35871 नवा मरीज मिले हे, एला मिला के कोरोना संक्रमण के मामला ह 1 करोड़ 14 लाख 74 हजार 605 हो गे हे। जेमा ले 2 लाख 52 हजार 364 एक्टिव मामला हे।

उहचे 1 करोड़ 10 लाख 63 हजार 025 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देस म अब तक 1 लाख 59 हजार 216 लोगन मन के मौत हो गे हे।