Pandaria: 40 मनखे मन ह करिन रक्तदान, जनप्रतिनिधि मन ह देइन हे प्रमाणपत्र

जय जोहार…. (Pandaria) वर्ल्ड टीबी डे के अवसर म सामुदायिक स्वास्थ्य केंद्र पंडरिया म बुधवार के रक्तदान शिविर के आयोजन करे गे हे। ए दौरान 40 ले जादा मनखे मन ह रक्त दान करिन। रक्तदान करइया ये मनखे मन ल जनप्रतिनिधि मन के तरफ ले प्रमाण पत्र के वितरण करे गिस।

जनजारूकता बर आगू बाढ़के (Pandaria) पंडरिया नगर पंचायत अध्यक्ष प्रतिनिधि शिव गायकवाड़ ह सबले पहिले रक्तदान करिन। एखर बार 40 मनखे मन ह रक्तदान करे हे। उहचे टीबी के बीमारी के संभावित मरीज के जांच होईस, जेमा एक मरीज पाजिटिव पाय गिस, जेखर तुरंत इलाज सुरु करे गिस।

ए अवसर म (Pandaria) पंडरिया बीएमओ डॉ. राज, एसटीएलएस डॉ. जेम्स जॉन, एस.आर.चुरेंद्र, संगीता भगत, आशुतोष शर्मा, इंटक कांग्रेस अध्यक्ष संजू तिवारी, आनंद सिंह, सभापति शंकर राव, श्यामू धूलिया, चंदन मानिकपुरी, राजकुमार अनंत, नितिन जैन, सुमित तिवारी, रितेश ठाकुर अऊ पत्रकार सेवक मोहन राजपूत उपस्थित रिहिन।