corona : देस म बीते 24 घंटा म सामने आय हे कोरोना के 41 हजार ले जादा नवा मामला, पढ़व

जय जोहार…. (corona) देस म बीते 24 घंटा म कोरोना के 41 हजार ले जादा नवा मामला के पहिचान होय हे। उहें 38793 मरीज मन ह कोरोना ल मात दे दे है, जेखर बाद ओमन ल अस्पताल ले छुट्टी दे दे गे हे , जबकि इलाज के दउरान 510 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 41 हजार 683 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 12 लाख 56 हजार 839 हो गे हे। जेमा ले 4 लाख 03 हजार ले जादा एक्टिव मामला हे।

उहें 3 करोड़ 04 लाख 21 हजार 813 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक 4 लाख 19 हजार 021 मरीज के मउत हो गे हे।