Corona: देस म बीते 24 घंटा म होय हे 47262 नवा मरीज के पहचान, पढ़व

जय जोहार…. (Corona) देस म कोरोना संक्रमण के मामला ह सरलघा बाढ़त जावत हे। देस म बीते 24 घंटा म कोरोना के 47 हजार ले जादा नवा मामला सामने आय हे। उहचे इलाज के दौरान 275 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के अनुसार (Corona) देस म बीते 24 घंटा म कोरोना के 47262 नवा मामला मिले हे। एला मिला के कोरोना संक्रमित मन के संख्या ह 1 करोड़ 17 लाख 34 हजार 058 हो गे हे। जेमा ले 3 लाख 68 हजार 457 एक्टिव केस हे।

उहचे 1 करोड़ 12 लाख 05 हजार 160 लोगन मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देस म अब तक 1 लाख 60 हजार 441 मरीज मन के जान चले गे हे।