corona : देश म बीते एक दिन म कोरोना के 63 हजार नवा मरीज, 941 लोगन मन के हो गे मौत

जय जोहार…. भारत म कोरोना (corona) संक्रमित मरीज मन के संख्या ह कम होय के नाम नई लेवत हे। देश म कोरोना संक्रमित मन के संख्या ह 26 लाख ले जादा हो गे हे। बीते 24 घंटा म कोरोना के 63 हजार ले जादा नवा मामला सामने आय हे। उहचे 941 लोगन मन के जान चले गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मन के कुल संख्या ह 26 लाख ले जादा हो गे हे। जेमा ले करीब सात लाख एक्टिव मामला हे। उहचे 19 लाख 19 हजार 843 लोगन मन ह कोरोना (corona) ल मात दे दे हे, जेखर बाद ओ मन ल डिस्चार्ज कर दे गे हे। ए ‌वायरस ले देश म अब तक 50 हजार ले जादा लोगन मन के मौत हो गे हे।