जय जोहार…. (Chhattisgarh) छत्तीसगढ़ के भूपेश सरकार के दू साल पूरा होय के अवसर म रविवार के वर्चुअल मैराथन के आयोजन करे गिस, जेमा एक लाख ले जादा लोगन मन ह दौड़ लगाईस। बलरामपुर ले सुकमा तक सबो 28 जिला के लोगन मन ह ए मैराथन दौड़ म हिस्सा लिस।
ए आयोजन म सीएम बघेल घलो शामिल होईन। ए मैराथन बर बिहनिया 6 बजे ले 11 बजे तक समय तय करे गे रिहिन। लेकिन समय सीमा के बाद घलो मैराथन ह जारी रिहिन।
(Chhattisgarh) कोरोना के परिस्थिति ल देखत हुये राज्य के खेल-युवा कल्याण अऊ जनसंपर्क विभाग ह ए खास तरह के मैराथन के आयोजन करे रिहिन। आम तौर म आयोज करे जाय वाला मैराथन ले अलग ए वर्चुअल मैराथन म कोरोना काल के सावधानी ल देखत हुए प्रतिभागी मन ल कोविड काल के नियम के पालन करत हुए सोशल मीडिया म अपन दौड़त हुए तस्वीर या वीडियो अपलोड करना रिहिन।
आयोजन के थीम ल बात हे अभिमान के, छत्तीसगढ़िया स्वाभिमान के तय करे गे रिहिन। तस्वीर अऊ वीडियो ल हैशटैग runwithchhattisgarh के संग अपलोड करे के अपील करे गे रिहिन। ए आयोजन म शामिल होय बर 71 हजार लोगन मन ह पंजीयन कराए रिहिन, लेकिन बिहनिया 11 बजे लत एक लाख ले जादा लोगन मन ह ए आयोजन म शामिल हो चुके रिहिन।
(Chhattisgarh) मुख्यमंत्री भूपेश बघेल ह आज बिहनिया के शुरुआत ल ए वर्चुअल रैली म शामिल होके करिन। वोहा खास टी शर्ट के संग दौड़त हुए अपन तस्वीर ल सोशल मीडिया म अपलोड करिन।
