Corona: राजधानी म सांसद के ड्राइवर ह कोरोना संक्रमित, परिवार अउ कर्मचारी मन के रिपोर्ट ह आय हे निगेटिव

जय जोहार…. राजधानी म कोरोना (corona) संक्रमण के मामले ह सरलघा बाढ़त जावत हे। सांसद सुनील सोनी के ड्राइवर ह कोरोना संक्रमित पाय गे हे। सांसद सोनी समेत परिवार अउ कर्मचारी मन के कोरोना जांच कराय गे रिहिस।
एमा सांसद सोनी अउ परिवार के रिपोर्ट ह निगेटिव आय हे। ऊहचे ड्राइवर के रिपोर्ट ह पाजिटिव आय हे। कुछु दिन पहिले सांसद के सुरक्षा कर्मी के रिपोर्ट ह कोरोना (corona) पाजिटिव आय रिहिस।
गौरतलब हे कि एखर पहिले राजधानी म पुलिस मुख्यालय म पदस्थ दू जवान मन म कोरोना (corona) संक्रमण के पहचान होय हे। बता देन कि प्रदेश म कोरोना संक्रमण के कुल मामले ह 4083 हो गे हे। जेमा ले एक्टिव केस ह 911 हे।