Corona: मरवाही क्षेत्र म महिला म कोरोना के होइस पहचान, कलेक्टर ह करिन पुष्टि

जय जोहार…. छत्तीसगढ़ म कोरोना (corona) संक्रमण के मामले ह कम होय के नाम नई लेवत हे। आज मरवाही क्षेत्र के ग्राम कटरा म एक महिला  ह कोरोना (corona) पाजिटिव मिले हे। जिला गौरेला पेंड्रा मरवाही कलेक्टर डोमन सिंह ह एखर पुष्टि करे हे। कोरोना (corona) पाजिटिव महिला ल कोविड-19 अस्पताल भेजे गे हे।
जानकारी के अनुसार महिला ह क्वारेंटाइन सेन्टर म ठहरे हुये मजदूर मन ल खाना पहुंचावत रिहिस। ए महिला के संपर्क म आय सब्बो लोगन मन के जांच कराय गिस, जेखर रिपोर्ट ह निगेटिव आय हे। ग्राम कटरा ल कन्टेनमेंट जोन घोसित करे गे हे। संगेसंग सील कर दे गे हे।