सांसद सुनील सोनी ह करिन कोरोना योद्धा मन के अभिनंदन

जय जोहार रायपुर…. भाजपा सांसद सुनील सोनी ह कोरोना योद्धा मन के अभिनंदन करिन। ए अवसर म जिला अस्पताल के डॉक्टर, मेडिकल स्टाफ, पुलिस के जवान अऊ अधिकारी मन के संग सफाई कर्मी मन ल अभिनंदन कर सम्मान पत्र प्रदान करे गिस। ए दौरान सिटी कोतवाली में सिपाही, जिला अस्पताल के स्टाफ अऊ उपस्थित लोग मन ल मास्क घलो प्रदान करे गिस। संगेसंग सफाई कार्य म कार्यरत सफाई कर्मी मन ल मास्क, अनाज पैकेट के घलो वितरण करे गिस।

सांसद सांसद सोनी ह बताइस कि विगत एक माह ले भाजपा कार्यकर्ता मन के तरफ ले लॉकडाउन के नियम ल ध्यान म रखत हुए प्रतिदिन निर्धन परिवार मन ल भाजपा हेल्प डेस्क के माध्यम ले घर-घर भोजन पहुंचाए जात हे।