chhattisgarh म ‘मुख्यमंत्री वृक्षारोपण प्रोत्साहन योजना‘ एक जून ले, राज्य सरकार ह पौधा लगाए बर करहि प्रोत्साहित

जय जोहार…. (chhattisgarh) राज्य शासन के तरफ ले वृक्षारोपण कार्य ल ज्यादा प्रोत्साहित करे के उद्देश्य ले 1 जून ले मुख्यमंत्री वृक्षारोपण प्रोत्साहन योजना ल लागू करे ल जावत हे। एमा राज्य के सबो मनखे, निजी भूमि के उपलब्धता अनुसार, सबो ग्राम पंचायत अउ संयुक्त वन प्रबंधन समिति ह योजना के लाभ ले बर पात्र होही। मुख्यमंत्री वृक्षारोपण प्रोत्साहन योजना के क्रियान्वयन बर वन अउ जलवायु परिवर्तन विभाग के तरफ ले सबो कलेक्टर अउ वनमण्डला अधिकारी मन ल दिशा-निर्देश जारी कर दे गे हे।

मुख्यमंत्री वृक्षारोपण प्रोत्साहन योजना के तहत (chhattisgarh) जेन किसान मन ह खरीफ बच्छर 2020 म धन के फसल लीन हे, यदि ओ हा धन फसल के बदले अपन खेत म वृक्षारोपण करत हे, त ओ मन ल हरेक बच्छर 10 हजार रुपया प्रति एकड़ के दर ले प्रोत्साहन राशि दे जाहि। अइसने ग्राम पंचायत करा उपलब्ध राशि ले यदि वाणिज्यिक वृक्षारोपण करे जाहि, त 1 बच्छर बाद सफल वृक्षारोपण के दशा म संबंधित ग्राम पंचायत ल शासन के तरफ ले 10 हजार रुपया हरेक एकड़ के दर ले प्रोत्साहन राशि दे जाहि।

एखर ले भविष्य म पंचायत के आय म वृद्धि हो सकही। एखर आलावा संयुक्त वन प्रबंधन समिति करा उपलब्ध राशि ले यदि वाणिज्यिक आधार म राजस्व भूमि म वृक्षारोपण करे जावत हे, त पंचायत के तरह ही संबंधित समिति ल एक बच्छर बाद 10 हजार रुपया हरेक एकड़ के दर ले प्रोत्साहन राशि दे जाहि।

गौरतलब हे कि (chhattisgarh) मुख्यमंत्री भूपेश बघेल के अध्यक्षता म गत 18 मई के आयोजित मंत्रिमण्डल के बइठक म मुख्यमंत्री वृक्षारोपण प्रोत्साहन योजना ल छत्तीसगढ़ म लागू करे के अहम् निर्णय ले गिस। ए योजना के उद्देश्य राज्य म वृक्षारोपण ल ज्यादा प्रोत्साहित करना है।