chhattisgarh : तेंदूपत्ता संग्राहक मन ल 512 करोड़ रुपया पारिश्रमिक के होही वितरण, पढ़व पूरा खबर

जय जोहार…. (chhattisgarh) कोरोना काल के बावजूद प्रदेश म 12.80 लाख मानक बोरा तेंदूपत्ता के संग्रहण करे जा चुके है, ये संग्रहण ल 12.09 लाख तेंदूपत्ता संग्राहक मन ह करे हे। जे मन ल 512 करोड़ रुपया संग्रहण पारिश्रमिक के वितरण करे जाहि।

(chhattisgarh) प्रदेश म तेंदूपत्ता संग्रहण के ये आंकडा एखर सेती घलो उल्लेखनीय हे कि कोविड महामारी अउ ख़राब तेंदूपत्ता सीजन के सेती पूरा देश म तेंदूपत्ता संग्रहण म 30 ले 40 फीसदी कमी आइस हे। छत्तीसगढ़ सरकार ह कोरोना काल अउ मौसम के दिक्कत के बावजूद घलो संग्राहक मन ले तेंदूपत्ता अउ दुसरइया लघु वनोपज के खरीदी करत हे , एखर ले ओ मन ल रोजगार मिलत हे अउ आय प्राप्त होवत हे।

ए बच्छर पूरा प्रदेश म बिसेसकर बस्तर संभाग म सरलग बारिश होवत हे, वर्तमान म यास चक्रवात के सेती प्रदेश (chhattisgarh) के उत्तरी क्षेत्र म बारिश होवत हे,ए विपरीत परिस्थिति के बावजूद घलो बस्तर संभाग म 28 मई 2021 के स्थिति म 4,24,118 मानक बोरा के संग्रहण करे जा चुके हे। जेन ह लक्ष्य के 84 प्रतिशत हे।