सफाई बर घलो होही टोल फ्री नम्बर , राजधानी म नवा पहल, कचरा देखो अऊ फोन करो

जय जोहार रायपुर… राजधानी रायपुर म अब सफाई ल ले के एक टोल फ्री नम्बर जारी करे जात हे , एमा फोन करे आम जनता गन्दगी ले मुक्ति पा सकथे , काबर कि जहां कचरा छूट गे हे उन्हा नगर निगम द्वारा फोन के माध्यम ले जानकारी ले के गाडी भेजे जाहि,

निगम के ये प्रयास के बारे म महापौर एजाज ढेबर ह किहिस कि एखर ले जनता अऊ सफाई कर्मचारी मन म जागरूकता आही, आज महापौर प्रेस से मिलिए कार्यकर्म म आय रिहिस अऊ अपन आगामी योजना मन के घलो जानकारी दिस, महापौर ह यहू किहिस कि जेन एमआईसी सदस्य ठीक से काम नई करही ओला छः महिना म हटा दे जाहि,

एजाज ह रायपुर ल इंदौर असन बनाय के बात घलो कहिस,ये मौक़ा म प्रेस क्लब अध्यक्ष दामू आम्बाडारे ,संजय शुक्ला, शगुफ्ता सिरिन,चोलाराम के संग पत्रकार साथी उपस्थित रिहिन.