बेमेतरा म मुर्दा मन ल घलो मिलत हे मजूरी

बेमेतरा। जिला म मुर्दा मन ल घलो मजूरी मिलत हे, बात हैरत के हे फेर ये सच हे। मामला जनपद पंचायत नवागढ़ के ग्राम हाथाडान्दू के हे। इहां गांव के 200 ले ज्यादा लोगन मन ल 1 बछर तक मजदूरी के काम तो कराए गिस। फेर ओमन ल अभू ले मजूरी के भुगतान नइ मिलिस हे। जब ओमन सीईओ कना गिन त सीईओ ह बताइस कि, मजूर मन के भुगतान कब के हो गए हे। फेर ध्यान दे वाला बात ये हे कि गांव के एक मृतक सिलवारी बाई के नाव म घलो भुगतान करे गए हे। ग्रामीन मन के आरोप हे कि जे मजूर मन के भुगतान करे गिस हे ओमन गांव के नो हे। ग्रामीन मन अब एकर लिखित सिकायत कलेक्टर ले करके तुरंत कार्रवाई के मांग करत हे।