भौजी ह डंडेच डंडा मारिस छेरी ल त देवर ह उठाईस अईसे खौफनाक कदम…

रायपुर। एक अईसे मामला आघू आए हे कि एक देवर ह अपन भाभी के हत्या कर दिस। कारन ये रिहिस कि देवर के छेरी ह भौजी के पास चल दिस त भौजी ह वोला डंडेच-डंडा मारिस हे। जेखर ले गुस्सा हो गे देवर ह ये खौफनाक कदम उठाईस हे।

ये घटना ह खरोरा थाना इलाका के बुडेरा गांव के हरे। जिहां आरोपी गोपाल यदु ह अपन भौजी पार्वती यदु के हत्या कर दिस। गोपाल के छेरी ह पार्वती के पास चल रिहिस ताहन पार्वती ह छेरी ल डंडा से पीट दिस। इही बात ल लेके देवर अउ भौजी के बीच म विवाद हो गे। ये विवाद ह अतेक बढ़ गे कि देवर ह भौजी के गला ल पकड क सिर म जोरदार वार कर दिस, जेखर कारन ओखर मौका म ही मउत हो गे। पुलिस ह आरोपी ल गिरफ्तार करके न्यायिक रिमांड म भेजीस हे।