पांच साल के मासूम के निरमम हत्या ले सनसनी, जांच म जुटिस पुलिस

जांजगीर चांपा। जिले के डभरा इलाका म बगरैल गांव म पांच साल के एक झन मासूम बच्चा के निरमम हत्या करे के मामला सामने आए हे। पुलिस ह मामला दर्ज कर जांच शुरू कर दे हे।

अइसे जानकारी मिले हाबय कि इतवार के संझा कन गांव के एक सूख्खा तरिया म मासूम के लाश मिलिस, जेखर बाद इलाका म हड़कंप मच गे। गांव वाले मन ह मासूम के दूनो आंखी म खून निकलत अउ मुंडी के पाछू म गंभीर चोट ल देख के फउरन घटना के सूचना डभरा पुलिस ल दिस हे।

डभरा पुलिस ह मौका म पहुंच के शव के पंचमाना करिस अउ पोस्टमार्टम बर डभरा अस्पताल भेजिस हे। मृतक के पिता शिव दास अपन पांच साल के बेटा साहिल महंत के शव ल देख के हत्या के आशंका जतात हे, उंहे पुलिस ह ये मामला म पोस्टमार्टम रिपोर्ट आए के बाद ही कुछू कहि पाए के बात कहत हे।