नंद कुमार साय के एक बार फेर दिस विवादित बयान

आदिवासी लड़की मन ले विवाह करइया युवक मन म लगय एट्रोसिटी एक्ट : नंद कुमार साय

जशपुर. हमेसा अपन विवादित बयान मन ले सुर्खी मन ले बटोरइया नंद कुमार साय
ह एक फेर विवादित बयान दिस हे. राष्ट्रीय अनुसूचित जनजाति आयोग के
अध्यक्ष नंद कुमार साय ह संविधान के खेलाफ बयान जारी करत कहिन,
अंतर्जातीय विवाह करइया युवक मन ल जेल म डाल देना चाही. दलित अउ आदिवासीले विवाह करइया युवक मन उपर एट्रोसिटी एक्ट के तहत कार्रवाई होना चाही. नंदकुमार साय ह एक धर्म विशेष उपर घलो टिप्पणी करिन हे.

गउरतलब हे के भारत सरकार सामाजिक एकीकरन म अवइया जाति प्रथा के उन्मूलन
बर अंतर्जातीय विवाह ल प्रोत्साहन देवत हे. जेखर सामाजिक न्याय अउ
अधिकारिता मंत्रालय इसन लोग मन ल, जे मन एक अनुसूचित जाति या जनजाति ले
अउ दूसर युवक या युवती ओबीसी या सामान्य वर्ग ले आवत हे, आर्थिक रूप ले
प्रोत्साहन के संग सरकारी सेवा मन म उम्र सीमा म छूट देवत हे. महाराष्ट्र
जइसे राज्य शासकीय सेवा म प्राथमिकता घलो देथे.

उहें भारत सरकार म कैबिनेट मंत्री के दर्जा हासिल करइया नंद कुमार साय के
कहिना हे कि एला बढ़ावा देय के बेजा लाभ मुस्लिम युवक उठात हे. जनजाति
महिला मन ले विवाह कर उंखर संपत्ति अउ जमीन हड़प सकत हे. जबकि अंतर्जातीय
विवाह प्रोत्साहन योजना के लाभ सिरिफ हिन्दू समाज म आपसी विवाह मन म देय
जात हे. अन्तधर्मिक विवाह मन ले एखर कोनो सरोकार नइए. उहें ए मामला म
जशपुर जिला के प्रभारी मंत्री उमेश पटेल ह नन्दकुमार साय उपर टिप्पणी करत
हुए कहिन, सबके अपन अपन सोच हे, मैं त संविधान सम्मत सोच रखत हव.