इंखर जइसे अउ लोग होवय त समाज म मिठास बने रहही

रायगढ़: मार्च के तारीख मन जइसे-जइसे बढ़त हवय. भास्कर देवता के तेवर लो वइसे-वइसे बढत जात हे. अइसे म अगर प्यासा ल पानी मिल जाए त लगथे के जिनगी मिल गे हे. गर्मी म सड़क किनारे आप मन ल नींबू पानी अउ गन्ना के जूस पिलाइया कतको स्टॉल दिखे हव. लेकिन आज आप मन उंखर ले मिलवा, जे वो लोगन ल फ्री म गन्ना जूस पिला के समाज म मिठास घोलत हवय. जे या त सियान हवय या फेर उंखर तीर पइसा नइए.

सारंगढ़ बायपास के पास राजेन्द्र साहू नाम के व्यक्ति गन्ना जूस सेंटर चलात हवय. इखर जूस सेंटर म 10 रुपिया म आप मन गला तर कर सकत हव. वे बतात हवय के दिनभर म 200 ले 300 ग्लास के बिक्री होवत हे. जेमा ले उमन 40 ले 50 ग्लास वो लोगन ल पिलाथे जे या त सियान हवय हे या फेर जेखर तीर पइसा नइए.

पहिली लोग मन ल ए मजाक लगत रहिस हे.लेकिन अब राजेन्द्र ल घर ले घलो सहयोग मिलत हवय. अंबिकापुर ले उंखर जूस सेंटर म गन्ना आथे. अउ कई बार घर ले पइसा लगाथे. ए नेक काम म उंखर संग 4 अउ लोग हवय. राजेन्द्र साहू कहिथे के वो लोग न ल रसायनिक पेय ले होविया नुकसान ले बचाना चाहत हवय.