Home छॉलीवुड समाचार उभरता सितारा छॉलीवुड म उभरत कोरियोग्राफर हे एनटीआर (नंदू).. यादगार काम के जोहत हे...

छॉलीवुड म उभरत कोरियोग्राफर हे एनटीआर (नंदू).. यादगार काम के जोहत हे बाट

317
0
Nandu waiting for a memorable work

दीपक बावनकर@जय जोहार. छत्तीसगढ़ी फिलिम म कोरियोग्राफर मन ला असिस्ट करत करत आज नंदू तांडी ह खुद एक अच्छा कोरियोग्राफर बन गे हे। बेरा अब अईसे आ गे हे कि अब सीनियर कोरियोग्राफर मन नंदू ला फिल्म के एक दू गाना जरूर देथे निर्देशित करें बर।

Nandu waiting for a memorable workबता देन कि नंदू ह अपन कैरियर के शुरुआत ग्रुप में डांस करे ले करिस। सौ ले ज्यादा गाना मन म ग्रुप डांसर के काम करईया नंदू ह आज कई ठन गाना कोरियोग्राफ कर चुके हे। ओखर मानना हे कि छालीवुड के गाना मन म जब तक अच्छा-अच्छा स्टेप नई बनाए जाही तब तक गाना ला दर्शक मन पसंद नहीं करें।

नंदू गाना के कोरयोग्राफी बर उड़ीसा, सिक्किम, मनाली, गोवा अउ मुंबई तक जा चुके हे। ओखर द्वारा कोरियोग्राफी करे गाना ल निशांत उपाध्याय अउ दिलीप बैस जइसे कोरियोग्राफर मन तारीफ करें हे। नंदू ह अपन गाना मन मा नवा नवा प्रयोग करथे ताकि गाना के खूबसूरती बढ़ाए जा सके।

Nandu waiting for a memorable workनंदू के मानना हे कि गाना बने म बहुत मेहनत लागथे काबर कि सबसे पहली अच्छा गीत, ओखर कंपोजीशन, अच्छा आवाज और बाद में अच्छा कोरियोग्राफी….. एखर मतलब हे कि एक गाना ल कतना पायदान ले होके गुजरे ल पड़थे।
अब नंदू ल इंतजार है कि एक अईसे फिलिम के जेन म शामिल जम्मो गाना के कोरियोग्राफी उही करे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.