Raipur : मतदाता जागरुकता बर दे जाही राष्ट्रीय मीडिया अवॉर्ड, 30 नवम्बर तक भेजे जा सकथे नामांकन

जय जोहार । भारत निर्वाचन आयोग डहार ले मतदाता जागरुकता के क्षेत्र म उत्कृष्ट काम करइया मीडिया संस्थान ल हरेक बछर वर्ष राष्ट्रीय मीडिया अवॉर्ड ले सम्मानित करे जात हे । ए घांव घलो भारत निर्वाचन आयोग ह राष्ट्रीय मीडिया अवॉर्ड दे जाय के घोसना करीन । एखर बर मीडिया संस्थान ले 30 नवम्बर 2022 तक नामांकन आमंत्रित करे गेहे ।

अवॉर्ड बर इच्छुक मीडिया संस्थान अपन नामांकन सीधा ‘भारत निर्वाचन आयोग, निर्वाचन सदन, अशोका रोड नई दिल्ली 110001’ के पता म निर्धारित बेरा म प्रेसित कर सकत हे । गौरतलब हे कि भारत निर्वाचन आयोग डहार ले मतदाता जागरुकता के क्षेत्र म उत्कृष्ट काम करइया मीडिया संस्थान ल चार श्रेणी म बांटे गेहे । एमा प्रिंट मीडिया, इलेक्ट्रॉनिक (टेलीविजन) मीडिया, इलेक्ट्रॉनिक (रेडियो) मीडिया अउ ऑनलाइन (इंटरनेट) सोसल मीडिया के तौर म रखे गेहे ।