Raipur म 3 दिन के राष्ट्रीय आदिवासी नृत्य महोत्सव 1 नवंबर ले, देस-विदेस के रीति-रिवाज, नृत्य के दिखही झलक

जय जोहार। (Raipur ) छत्तीसगढ़ राज्य के 23वां स्थापना दिवस के अवसर म 1 ले 3 नवंबर तक राष्ट्रीय आदिवासी नृत्य महोत्सव के आयोजन करे गेहे । राज्य म राष्ट्रीय आदिवासी महोत्सव के ये तीसरइया आयोजन हे । महोत्सव के आयोजन राजधानी रायपुर के साइंस कालेज मैदान म होही ।

राष्ट्रीय आदिवासी नृत्य महोत्सव बर देस के सबो राज्य, केंद्र सासित प्रदेस समेत 9 देस के 1500 आदिवासी कलाकार ह अपन कला के प्रदर्सन करही । ए कलाकार मन म देस के 1400 अउ विदेस के 100 प्रतिभागी सामिल होही । (Raipur ) आयोजन म मोजांबिक, मंगोलिया, टोंगो, रशिया, इंडोनेशिया, मालदीव, सर्बिया, न्यूजीलैंड अउ इजिप्ट के जनजातीय कलाकार हिस्सा लेही ।

राष्ट्रीय आदिवासी नृत्य महोत्सव म ए घांव दू ठीन थीम रखे गेहे । (Raipur) पहलइया थीम ‘फसल कटाई म होवइया आदिवासी नृत्य’ अउ दूसरइया थीम ‘आदिवासी परम् परा अउ रीति- रिवाज’ हे । उत्कृष्ट प्रदर्सन करइया प्रतिभागी ल प्रोत्साहित करे बर विजेता मन ल पुरस्कृत करे जाही ।