दंतेवाड़ा. किरन्दुल थाना इलाका म हिरोली के जंगल में बईठक कर योजना बनात रिहिन 5 नक्सली ल गिरफ्तार करिन हे। ये नक्सली मन ल पुलिस अउ डीआरजी के जवान ह दबिश देके गिरफ्तार करे म कामयाबी पाईन हे।

हिरोली के जंगल म नक्सली मन जईसे ही पुलिस जवान ल देखिस तांहन हड़बड़ा के उंहा ले भागे ल धर लिस, इही दउरान जवान मन ह 5 झन नक्सली ल घेराबंदी कर पकड़िन हे। दंतेवाड़ा एसपी अभिषेक पल्लव ह ये मामला के पुष्टि करिन हे।

पुलिस ले अइसन  जानकारी मिले हंवय कि गिरफ्तार नक्सली मन ह प्रतिबंधित संगठन जनमिलीशिया के हरे। पुलिस ह नक्सली ल गिरफ्तार करे के संग गांव म मौजूद नक्सली लीडर लिंगा अउ वर्गीस के याद म बनाए गे रहीस नक्सली स्मारक ल घलो ध्वस्त करिस हे।