पुलिस नक्सली मुठभेड़ म एक लाख के ईनामी नक्सली मड़कम हिड़मा ढेर

सुकमा। भेज्जी के बीराभट्टी इलाका म नक्सली संग मुठभेड़ म डीआरजी के जवान मन ल बड़का कामयाबी मिले हे। मुठभेड़ म एक लाख रुपिया के ईनामी नक्सली मड़कम हिड़मा ल मार गिरईन हे। नक्सली हिड़मा के पहचान आरपीसी अध्यक्ष के रूप म करे गे हे। एसपी के मुताबिक सर्चिंग म निकले डीआरजी के जवान ऊपर नक्सली मन ह फायर कर दिस। जवान मन ह जवाबी फायरिंग करत नक्सली ल मुंहतोड़ जवाब दिन। जवान मन ल भारी पड़त देख नक्सली मन मौका के फायदा उठावत भागे म कामयाब हो गे। ये दउरान फायरिंग म एक नक्सली मारे गिस। घटनास्थल ले दो हथियार के संग नक्सली मन के दैनिक उपयोग के सामान घलो बरामद करे गे हे।