रायपुर। हमर जवान मन ले नक्सली म ह आमने-सामने के मकबला नइ कर सकय । एखथर सेती उमन ह लुका के हमला करथे। येखर ले पता चलथे कि उमखर ताकत कम जोर होवत जात हे। ये बात ल केंद्रीय गृहमंत्री राजनाथ सिंह सोमवार के शाम 4 बजे मीडिया ले रूबरू होके कहिन।
य् दफरान उमन ह सबले पहिली रविवार के दंतेवाड़ा म होय आईईडी धमाका म शहीद जवान मन ल श्रद्धाजंलि दीस अउ कहिन कि पीछु को कुछु साल मन म नक्सली मन के ताकत घटे हे। हमार फोर्स के संग फेस टू फेस लड़े के हिम्मत नइए। येखर सेती लुका के वार करथे। हमार जवान मन ल सबले जादा नुक्सान आईईडी धमाका मन ले होय हे। नक्सलवाद पूरा देश म तेजी ले सिमटत जात हे। ग्रेहाउंड के तरज म एक अलग फोरस ब्लैक पैंथर तइयार करे जाच हे। येखर संगे संग 4 अउ बटालियन तइयार होवत हे। जे ह बस्तर म ही रही के नक्सली मन के सफाया करही।
ये बरा म उमन ह नक्सली मन ले निपटे बर तइयार करे गे बस्तर बटालियन के जिकर करत हुए कहिन कि ये बटालियन नक्सली मन के खात्मा कर बर सहायक होही। जानकार मन के मानना हे कि नक्सली हारे हुए लड़ाई लड़त हे। ये मन विकास विरोधी हवय अउ चाहत हे कि बस्तर के लोगन मन गरीबी म ही गुजर बसर करय, नक्सलवादी आदिवासी मन के शोषण कर करोड़ों कमात हवय। केन्द्र सरकार ह पिछड़े 35 जिला बर अलग ले प्रोजेक्ट बनावत हे, जेखर संबंध म कुछु ही टेम पहिली होय बइठक म चरचा करे गिस। नक्सली मन के फंड रिसोर्सेस ल रोके बर हर हथकंडा हमन अपनाबो अउ सबो के अवैध सम्पती मन ल घलोक जब्त करबो।
ये बेरा म सीएम रमन सिंह ह कहिन कि सरकार प्रदेश म सड़क मन के जाल बिछावत हे, ताकि ग्रामीण अंचल के लोगन मन धलोक मुख्यधारा ले जुड़ सकय, फेर नक्सली मन ये कारज म बाधा डालत हे। हमन 1600 किलोमीटर के सड़क जवान मन के भरोसा बनाय हवन। जवान मन ह 2016 म 135, 2017 म 77 अउ ये बरिस म 40 नक्सली मन ल ढेर करे हे, आगी घलोक नक्सल मन के खिलाफ हमार ये अभियान जारी रही अउ जेखर लेपूरा प्रदेश ले उँखर सफाया हो जाही।
पत्रकार मन ले चरचा के बेरा म सीएम रमन सिंह, प्रदेश के गृह मंत्री राम सेवक पैकरा समेत नक्सल ऑपरेशन ले जुड़े जम्मो अधिकारी मन मवजूद रहिन हे।
