मुखबिरी के शक म नक्सली मन करिस ग्रामीन के हत्या

बीजापुर। पुलिस मुखबिर के शक म बीजापुर म नक्सली मन ह फेर एक झन एक ग्रामीन के हत्या कर दिस। हत्या के बाद मृतक माड़वी रामलु के लाश ल नक्सली मन ह बीजापुर के मोरमेड-तोयनार चौक म फेंक दे रिहिस। पुलिस ह अज्ञात नक्सली के खिलाफ हत्या के मामला दर्ज कर जांच म जुटिन हे।

जानकारी के मुताबिक नक्सली मन ल शक रहिस कि दुपेली गांव के रामलु ह नक्सली गतिविधी के जानकारी पुलिस ल देथे। एकर बाद नक्सली मन ह रामलु के अपहरण कर उंखर हत्या कर दिस। शव मोरमेड म चौक के पास फेंक दिस संगे-संग नक्सली परचा घलो फेंके हे। ये हत्या के जिम्मेदारी नक्सली के नेशनल पार्क एरिया कमेटी ह ले हे।