chhattisgarh : राज्यपाल अनुसुईया उइके ले एनसीसी के डायरेक्टर जनरल ह करीन मुलाकात
जय जोहार । (chhattisgarh) राज्यपाल अनुसुईया उइके ले आज राजभवन म एन.सी.सी. नई दिल्ली के डायरेक्टर जनरल लेफ्टीनेंट जनरल गुरबिरपाल सिंह के नेतृत्व म प्रतिनिधिमण्डल ह मुलाकात करीन । राज्यपाल सुश्री उइके ह डी.जी. श्री सिंह ले प्रदेश म एनसीसी डहार ले संचालित गतिविधि अउ ओखर विस्तार बर करे जावत परयास के जानकारी लीन ।
(chhattisgarh) राज्यपाल ह अपन छात्र जीवन म एनसीसी अउ एनएसएस के अनुभव ल साझा करत किहीन कि युवा ल ओखर ले प्रेरणा मिलत हे अउ सेना के अंग बनके देश सेवा के ओर आगू बढ़त हे । एनसीसी, एनएसएस अउ स्काउट गाइड जीवन म अनुशासन सिखात हे अउ राष्ट्र के प्रति अपन दायित्वों के निर्वहन करे के चेतना ल जागृत करत हे ।
ए अवसर म मध्यप्रदेश अउ छत्तीसगढ़ निदेशालय एन.सी.सी. भोपाल ब्रिगेडियर राजीव गौतम अउ एन.सी.सी. रायपुर के प्रभारी अधिकारी ब्रिगेडियर ए.के. दास उपस्थित रिहीन ।
