अस्पताल प्रबंधन ह करिन लापरवाही..लइका के दून्नो हाथ ल करिस फैक्चर

कांकेर। इहां के एक निजी अस्पताल म लापरवाही के आरोप लगात पीड़ित परिवार ह पुलिस म सिकायत दर्ज कराए हे। बता दन कि विश्रामपुरी के ललित नायक ह अपन पत्नी ल डिलीवरी बर सहर के मदर मैरी अस्पताल म 5 जून के भर्ती कराए रहिस। जन्म के बाद लइका के दून्नो हाथ म सूजन रहिस, जेला लेके परिजन मन जब डॉक्टर ले बात करिन त डॉक्टर ह पीलिया बताके बेहतर इलाज बर धमतरी अस्पताल म रिफर कर दीन।उहें जब परिजन मन नवजात ल धमतरी लेके गिन त उहां सरकारी अस्पताल म ये बात के जानकारी होइस कि लइका के दून्नो हाथ म फ्रैक्चर हे। जेकर चलत परिजन मन अस्पताल के डॉक्टर मन के खिलाफ लापरवाही बरते के आरोप लगात FIR दर्ज करे के मांग करे हे।