रायपुर। राज्यवासी मन बर बढ़िया खबर हे के रायपुर के नेहरु मेडिकल कालेज देस के पांचवां पीजीआई बने बर जात हे। राज्य सरकार ह येकर प्रस्ताव केंद्रीय स्वास्थ्य मंत्रालय ल भेज दिस हे। मंजूरी मिलत ही छत्तीसगढ़ म विस्वस्तरीय मेडिकल सिक्छा के संग मरीज मन ल बेहतर चिकित्सकीय सुविधा मिलही।
अब छत्तीसगढ़ म विस्वस्तरीय मेडिकल सिक्छा के संग मरीज मन बेहतर इलाज घलो मिलही। नेहरू मेडिकल कॉलेज के 90 के दशक म 700 बिस्तर मन के संग सुरू करेगे रहिस हे, वरतमान म येमा 1100 ले अधिक बिस्तर हे। एनकोलॉजी, रेडियोथैरेपी के ब्रांच सुरू होय के कारन बिस्तर मन के संख्या बढ़ायगे रहिस हे। मेडिकल कॉलेज म एमबीबीएस के 150 सीट हे। कुछु बिसय मन म डीएम अउ एमडी के पाठ्यक्रम घलो चलाय जात हे।
सूत्र मन के मानन त मेडिकल कालेज के पीजीआई संस्थान के रूप म विकसित होय के बाद हेमेटोलॉजी, इम्यूनो पेथोलॉजी, माइक्रोबायोलॉजी, पेरासाइटोलॉजी समेत एंडोक्राइनोलॉजी म मरीज मन के थायराइड अउ डायबिटीज के जांच के सुविधा मिल सकही। येखर अलावा मदर एंड चाइल्ड सेंटर म एचडीयू, आईसीयू, मेडिसिन यूनिट, रोबोटिक सर्जरी, नीकू, मिल्क बैंक व एडवांस इनफर्टिलिटी सेंटर क सुविधा होही। संग ही हेल्थ प्रोफेसनल के ट्रेनिंग देय बर एडवांस रिसर्च के सुविधा होही। एडवांस्ड न्यूरोसाइंस सेंटर घलो होही। येमा ओटी, आईसीयू व अन्य सुविधामन होही।
पीजीआई के दरजा मिले के बाद मेडिकल कॉलेज म इलाज के सुविधा मन राष्ट्रीय स्तर के हो जाही। संग ही मेडिकल कोर्सेस के स्तर घलो बढ़ही। नेफ्रोलॉजी, कार्डियोलाजी, गेस्ट्रोलॉजी जइसे बिसय मन म एमडी, डीएम के पढ़ाई रायपुर म ही हो सकही।
इहीं सेसन म मिल सकत हे मान्यता
केंद्रीय स्वास्थ्य मंत्रालय ह राज्य सरकार ल प्रस्ताव भेजे बर कहे रहिस हे। संभव हे के इहीं सेसन म मान्यता के कार्रवाई पूरी कर ले जाही। केंद्रीय स्वास्थ्य मंत्री जेपी नड्ढा पूरव म प्रदेस भाजपा संगठन के प्रभारी रहे हे।

रायपुर। राज्यवासी मन बर बढ़िया खबर हे के रायपुर के नेहरु मेडिकल कालेज देस के पांचवां पीजीआई बने बर जात हे। राज्य सरकार ह येकर प्रस्ताव केंद्रीय स्वास्थ्य मंत्रालय ल भेज दिस हे। मंजूरी मिलत ही छत्तीसगढ़ म विस्वस्तरीय मेडिकल सिक्छा के संग मरीज मन ल बेहतर चिकित्सकीय सुविधा मिलही।
अब छत्तीसगढ़ म विस्वस्तरीय मेडिकल सिक्छा के संग मरीज मन बेहतर इलाज घलो मिलही। नेहरू मेडिकल कॉलेज के 90 के दशक म 700 बिस्तर मन के संग सुरू करेगे रहिस हे, वरतमान म येमा 1100 ले अधिक बिस्तर हे। एनकोलॉजी, रेडियोथैरेपी के ब्रांच सुरू होय के कारन बिस्तर मन के संख्या बढ़ायगे रहिस हे। मेडिकल कॉलेज म एमबीबीएस के 150 सीट हे। कुछु बिसय मन म डीएम अउ एमडी के पाठ्यक्रम घलो चलाय जात हे।
सूत्र मन के मानन त मेडिकल कालेज के पीजीआई संस्थान के रूप म विकसित होय के बाद हेमेटोलॉजी, इम्यूनो पेथोलॉजी, माइक्रोबायोलॉजी, पेरासाइटोलॉजी समेत एंडोक्राइनोलॉजी म मरीज मन के थायराइड अउ डायबिटीज के जांच के सुविधा मिल सकही। येखर अलावा मदर एंड चाइल्ड सेंटर म एचडीयू, आईसीयू, मेडिसिन यूनिट, रोबोटिक सर्जरी, नीकू, मिल्क बैंक व एडवांस इनफर्टिलिटी सेंटर क सुविधा होही। संग ही हेल्थ प्रोफेसनल के ट्रेनिंग देय बर एडवांस रिसर्च के सुविधा होही। एडवांस्ड न्यूरोसाइंस सेंटर घलो होही। येमा ओटी, आईसीयू व अन्य सुविधामन होही।
पीजीआई के दरजा मिले के बाद मेडिकल कॉलेज म इलाज के सुविधा मन राष्ट्रीय स्तर के हो जाही। संग ही मेडिकल कोर्सेस के स्तर घलो बढ़ही। नेफ्रोलॉजी, कार्डियोलाजी, गेस्ट्रोलॉजी जइसे बिसय मन म एमडी, डीएम के पढ़ाई रायपुर म ही हो सकही।
इहीं सेसन म मिल सकत हे मान्यता
केंद्रीय स्वास्थ्य मंत्रालय ह राज्य सरकार ल प्रस्ताव भेजे बर कहे रहिस हे। संभव हे के इहीं सेसन म मान्यता के कार्रवाई पूरी कर ले जाही। केंद्रीय स्वास्थ्य मंत्री जेपी नड्ढा पूरव म प्रदेस भाजपा संगठन के प्रभारी रहे हे।