Flight : अहमदाबाद, दिल्ली अउ गोवा बर मिलही अब नवा हवाई सेवा, पढ़व

जय जोहार…. (Flight ) प्रदेस के हवाई यात्री मन ल अहमदाबाद, दिल्ली अउ गोवा बर नवा उड़ान सेवा मिलही। इंडिगो ह अहमदाबाद अउ गोवा बर उड़ान सेवा के शेड्यूल जारी कर दे हे। अइसने एयर इंडिया ह अब दिल्ली बर दुसरइया फ्लाइट सुरु करे के शेड्यूल जारी कर के बुकिंग ल सुरु कर देहे।

गोवा बर इंदौर होके इंडिगो के फ्लाइट (Flight ) ह 1 अगस्त ले मिलही। अहमदाबाद बर दिल्ली के सीधा फ्लाइट 3 अगस्त ले संचालित करे जाही। एयर इंडिया ह अपन दुसरइया फ्लाइट दिल्ली बर संझा के उपलब्ध कराही।

छत्तीसगढ़ अउ गुजरात के राजधानी ल जोड़इया फ्लाइट (Flight ) के 3 अगस्त ले संचालन करे जाही। उहें इंडिगो के गोवा उड़ान सेवा ल करीबन 4 महीना बाद सुरु करे जात हे। ये फ्लाइट ह रईपुर ले इंदौर होके गोवा जाही। अइसने वापसी घलो इंदौर होके होही।