corona: देश म 24 घंटा म मिले हे कोरोना के 84 हजार ले जादा नवा मामला, 3996 मरीज के हो गे मौत

जय जोहार…. देश म बीते 24 घंटा म कोरोना (Corona) के 84 हजार ले जादा नवा मरीज सामने आय हे। उहचे 1 लाख 22 हजार 592 मरीज ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 3996 मरीज के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 84 हजार 542 नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 93 लाख 58 हजार 033 हो गे हे। जेमा ले 10 लाख 76 हजार ले जादा एक्टिव मामला हे।

उहचे 2 करोड़ 79 लाख 01 हजार 688 मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 3 लाख 67 हजार 097 संक्रमित के मौत हो गे हे।