जय जोहार…. (Dhamtari District) धमतरी जिला म कोरोना संक्रमण कमती होवत ही अनलॉक के प्रक्रिया सुरु हो गे हे। धमतरी जिला म अब रात 8 बजे तक सबो दुकान ल खोले जा सकही। उहचे रविवार के पूरा लॉकडाउन रही। ए सम्बन्ध म कलेक्टर ह नवा आदेश जारी कर दे हे।
जारी आदेश के मुताबिक जिला के सबो कार्यालय शत प्रतिशत कर्मचारी अउ अधिकारी मन के उपस्थिति के संग संचालित होही। (Dhamtari District) कार्यालय म मास्क पहनना, फिजिकल डिस्टेंसिंग, सोशल डिस्टेंसिंग, हाथ धुलाई एवं सेनेटाइजर के उपयोग अनिवार्य होही। जिला म सबो प्रकार के दुकान अउ व्यावसायिक प्रतिष्ठान ल रात 8 बजे तक खोले जा सकही।
आदेश म पूर्व के तरह हरेक रविवार के पूरा व्यवसायिक गतिविधि ह बंद रही। (Dhamtari District) ए दौरान सिरिफ अस्पताल, क्लीनिक, मेडिकल दुकान, पशु चिकित्सालय, पेट्रोल पंप, गैस एजेंसी, पीडीएस सेंटर, फल-सब्जियों की दुकान, दूध वितरण, न्यूज़पेपर समेत होटल अउ रेस्टोरेंट ले होम डिलीवरी के अनुमति रही । ए आदेश के उल्लंघन करइया व्यक्ति अथवा प्रतिष्ठानों म आपदा प्रबंधन अधिनियम 2005 के धारा 51-60 अउ दूसर सुसंगत विधि के तहत कड़ी कार्रवाई करे जाही।
