जय जोहार…. स्वास्थ्य विभाग ह रेड, ऑरेंज अउ ग्रीन जोन वाला विकासखण्ड के नवा सूची ल जारी कर दे हे। जेमा राजधानी समेत 105 ब्लॉक ह रेड जोन म हे।
जबकि 30 जोन ह ऑरेज जोन म हे। एखर आलावा सब्बो विकासखण्ड ह ग्रीन जोन म शामिल हे। ए सूची म राजनांदगांव जिला के सबले जियादा 11 विकासखण्ड ह रेड जोन म हे। जबकि रायपुर शहरी के संग सात ब्लाक ह रेड जोन म शामिल हे। उहचे धमतरी के सब्बो ब्लाक ह ग्रीन जोन म हे।
केन्द्रीय स्वास्थ्य अउ परिवार कल्याण मंत्रालय के दिशा-निर्देश के मुताबिक प्रदेश के सब्बो विकासखण्ड अउ शहरी क्षेत्र म कोविड 19 के सक्रिय मामले के संख्या, एखर दोगुने होय के दर अउ प्रति एक लाख जनसंख्या म सैम्पल जांच के ताजा स्थिति के आधार पर ओला रेड, ऑरेंज अउ ग्रीन जोन म पुन: वर्गीकृत करे जात हे।
No Comment! Be the first one.