सुभाष घई के कम्पनी ह भिलाई म खोलिस डबल स्क्रीन सिनेमाघर ,छत्तीसगढ़ी सिनेमा उधोग म जुडिस एक अऊ कड़ी

दीपक बावनकर@रायपुर सिनेमाघर के कमी ले जूझत छालीवुड बर रामबाण साबित होही मुक्ता टू सिनेमाघर ,कुछ दिन पहिली एखर उद्घाटन प्रदेश के मुख्यमंत्री ह करिस ये कार्यक्रम म फिल्म निर्माता सुभाष घई घलोक अवैय्या रिहिस लेकिन कुछु कारण से ओ ह नई आ पाइस ,बता दन कि ये सिनेमाघर एक प्रकार ले मुल्टी प्लेक्स हावे जेमा दू  ठन स्क्रीन हावे अऊ लगभग चार सौ साठ दर्शक के क्षमता हावे ,भिलाई म ये सिनेमाघर खुले ले कम्पनी के ये ह अडसठ स्क्रीन हो गे हे