Chhattisgarh: धान खरीदी बर बनही नवा धान खरीदी केन्द्र, पढो पूरा खबर

जय जोहार… (Chhattisgarh) मंत्रालय, महानदी भवन म आज खाद्य अऊ सहकारिता विभाग के बइठक होय हे। ए बइठक के अध्यक्षता ल मुख्य सचिव आरपी मंडल ह करिन। ए अवसर म एक दिसंबर ले प्रारंभ होवइया धान खरीदी के संबंध म सुचारू व्यवस्था बनाये जाय के संबंध म चर्चा करे गे हे।

मुख्य सचिव आरपी मंडल ह आवश्यकता के अनुसार धान खरीदी बर नवा केन्द्र बनाय बर एक सप्ताह के समय निर्धारित करत हुये सबो जरूरी कार्यवाही करे के निर्देश दे हे। (Chhattisgarh) राज्य के सबो धान खरीदी केंद्र म धान संग्रहण बर चबूतरा के निर्माण ए महिना के आखिरी तक करे के निर्देश घलो दे हे।

ए बइठक म गोधन न्याय योजना के संबंध म घलो चर्चा करे गिस, जेमा गौठान के सुरक्षा गोधन कार्यालय के व्यवस्था नाडेफ टंकी निर्माण के कार्य ल प्राथमिकता के आधार म पूरा करे के निर्देश दे गे हे।

बइठक म (Chhattisgarh) अपर मुख्य सचिव वित्त विभाग अमिताभ जैन, सचिव खाद्य विभाग डॉ. कमलप्रीत सिंह, सचिव राजस्व विभाग रीता शांडिल्य, सचिव सहकारिता विभाग आर. प्रसन्ना, सचिव जैव प्रौद्योगिकी विभाग डॉ. एम.गीता समेत आन अधिकारी उपस्थित रिहिन।