chhollywood: नीतेश लहरी ह निर्देशन करही अब हॉरर फिलिम, नाव हे पिशाच द लव मास्टर, पढ़व

जय जोहार…. (chhollywood) छॉलीवुड के निर्देशक नीतेश लहरी ह अब एकठन हॉरर फिलिम पिशाच द लव मास्टर ल निर्देशन करइया हे। ए फिलिम ले अभिनेता भूपेश चौहान ह डेब्यू करही। ए फिलिम के लेखक घलो नीतेश लहरी हे। उहचे प्रोड्यूस विजय पटेल अऊ बजरंग अग्रवाल ह करही।

ए फिलिम (chhollywood) प्रोडक्शन ल चन्द्रशेखर चौहान ह संभालही। वइसे नीतेश लहरी ल चार फिलिम के स्क्रिप्ट लिखे म व्यस्त हे। ओ हा दू फिलिम डायरेक्ट करे हे, जेन रोमांस अऊ लवस्टोरी वाला रिहिन। ओखर तीसर फिलिम पिशाच द लव मास्टर होही।

(chhollywood) ओखर ये पहिला हॉरर फिलिम होही। वो हा कहिन कि छॉलीवुड फिलिम म एक नवापन लाय के प्रयास करत हे। एमा कुछु मसाला घलो होही। ये फिलिम ह मिसाल बने अइसे मे हा चाहत हों।