नरवा, गरवा, घुरवा, बाड़ी योजना के काम म लपरवाही, उप संचालक कृषि ल नोटिस
धमतरी। नरवा, गरवा, घुरवा अउ बाड़ी योजना के क्रियान्वयन म लपरवाही बरतने वाले उपसंचालक कृषि, एसएडीओ अउ ग्रामीण कृषि विस्तार अधिकारी ल कारण बताओ नोटिस जारी करे गे हे।
राज्य शासन के महत्वाकांक्षी योजना नरवा, गरवा, घुरवा अउ बाड़ी योजना के क्रियान्वयन ल लेके जिला प्रशासन ह बेहद संजीदा अउ सतर्क हे। इही तारतम्य म कलेक्टर रंजत बंसल ह बुधवार के बिहनिया धमतरी विकासखण्ड के गांव सेहराडबरी म तियार करे गे आदर्श दईहान के निरीक्षन करिस। इही दउरान योजना के क्रियान्वयन म लापरवाही बरतने अउ संतोषप्रद जवाब नई दे सकिन तेखर कारण कृषि विभाग के उप संचालक कृषि, एसएडीओ अउ ग्रामीण कृषि विस्तार अधिकारी ल कारण बताओ नोटिस जारी करे गे हे।
बता देन कि शासन के महत्वपूर्ण योजना अंतरगत कृषि विभाग ल जिहां दईहान बनाए जात हे उंहा जैविक विधि ले खाद उत्पादन करे के दायित्व दे हे। ग्राम पंचायत सेहराडबरी अउ संबलपुर के दइहान म जैविक खाद उत्पादन इकाई के काम कृषि विभाग ह नई करे रहिस। एखर बर उपसंचालक कृषि आर. के कश्यप, मनोज सागर एसएडीओ धमतरी अउ ग्राम सेहराडबरी के आर.ए.ई.ओ. धीरेन्द्र साहू, वाय.एस. तोमर संबलपुर ल दू दिन के भीतर नोटिस के जवाब दे बर निरदेश दे हे।
