प्रदेश म समर्थन मूल्य म अब 31 लघु वनोपज के होही खरीदी, राज्य सरकार ह ले हे फइसला

जय जोहार…. राज्य सरकार के तरफ ले छत्तीसगढ़ म 25 ले बढ़ा के अब 31 लघु वनोपज के खरीदी ल समर्थन मूल्य म करे के निर्णय ले गे हे। ए लघु वनोपज म वन तुलसी बीज, वन जीरा बीज, इमली बीज, बहेड़ा कचरिया, हर्रा कचरिया अऊ नीम बीज ल शामिल करे गे हे।

निर्धारित समर्थन मूल्य के अनुसार एमा वन तुलसी बीज 16 रूपिया, वन जीरा बीज 70 रूपिया, इमली बीज 11 रूपिया, बहेड़ा कचरिया 20 रूपिया, हर्रा कचरिया 25 रूपिया अऊ नीम बीज ल 27 रूपिया प्रति किलो के दर म खरीदी करे जाही।

हर्रा कचारिया बर भारत सरकार के तरफ ले तय न्यूनतम समर्थन मूल्य 23 रूपिया म राज्य सरकार ह दू रूपिया के वृद्धि करत हुये 25 रूपिया प्रति किलो निर्धारित करे हे।