मंत्रालय म अब सचिव के अनुशंसा म मिलही प्रवेश, मीडिया ल घलो प्रवेश के इजाजत नई

जय जोहार…. छत्तीसगढ़ मंत्रालय म अब प्रवेश ह आसान नई होही। सामान्य प्रशासन विभाग ह आदेश दे हे कि अब मंत्रालय म प्रवेश बर सचिव के अनुशंसा म ही पास बन सकही। बतावत जात हे कि कोविड संक्रमण ले बचाव बर ये निर्णय ले गे हे।
बता देन कि मध्यप्रदेश सरकार ह हाल म एक आदेश निकाल के मंत्रालय म प्रवेश ल प्रतिबंधित कर दे रिहिस। अब छ्त्तीसगढ़ के मंत्रालय म प्रवेश व्यवस्था ल कड़ा कर दे गे हे। अभी तक मंत्रालय म मंत्री या सचिव के स्टॉफ, उपसचिव, अवर सचिव के अनुशंसा म गेट पास बना दे जावत रिहिस, लेकिन एखर बर सामान्य प्रशासन विभाग ह आदेश निकाल दे हे।
मंत्रालय म अनावश्यक भीड़ ल कम करे बर ये अस्थायी व्यवस्था ल जारी करे गे हे। ए नियम के दायरा म सब्बो हे, मीडिया घलो सीधा मंत्रालय के भीतर प्रवेश नई कर पाही।