chhattisgarh म अब कक्षा 5वीं ले 12वीं के पाठ्यक्रम म महात्मा गांधी की बुनियादी शिक्षा होही सामिल, सीएम ह दीन हे निर्देस
जय जोहार। (chhattisgarh ) मुख्यमंत्री भूपेश बघेल के निर्देस म प्रदेस म अब नवा पीढ़ी ल महात्मा गांधी के बुनियादी शिक्षा ले जोड़े जाही। गांधीजी के आदर्स अउ सिद्धांत ले लईका मन ल अवगत कराय बर ए मन ल कक्षा 5वीं ले 12वीं के सैक्षणिक पाठ्यक्रम म सामिल करे जाही। एमा सहरी के संगेसंग ग्रामीण क्षेत्र के लईका मन ल गांधी जी के मंसा के अनुरूप शिक्षा दे जाही।
(chhattisgarh ) मुख्यमंत्री भूपेश बघेल ह एखर बर मुख्य सचिव ल लईका मन के सर्वांगीण विकास के संग आत्मनिर्भर बनइया शिक्षा के प्रबंध राज्य सासन डहार ले सुनिश्चित करे जाये के निर्देस देहे ।
मुख्यमंत्री बघेल के पहल म गांधीजी के आत्मनिर्भर ग्राम के संकल्पना ल पुरा करे बर स्कूली लईका मन ल गांव के भ्रमण करा के (chhattisgarh ) सरकार के महत्वकांक्षी सुराजी गांव योजना के तहत नरवा, गरूवा, घुरूवा अउ बाड़ी के बारे में विस्तार ले बताए जाही। एखर ले स्कूली लइका मन ल ग्रामीण अर्थव्यवस्था के संगेसंग जलसंरक्षण अउ मृदा संरक्षण के विषय म जानकारी मिल सकही।
