जय जोहार…. छत्तीसगढ़ (Chhattisgarh) म कालेज अउ विश्वविद्यालय के सबो कक्षा के परीक्षा ह अब आनलाइन होही। राज्यपाल के निर्देश म उच्च शिक्षा विभाग के उपसचिव ह अब सबो कक्षा के परीक्षा ल आनलाइन करे के आदेश जारी करे हे।
बता देन कि (Chhattisgarh) आज बिहनिया कालेज अउ विश्वविद्यालय के परीक्षा ले संबंधी आदेश जारी करे गे रिहिन। जेमा बताये गे रिहिन कि सिरिफ स्नातक अउ स्नातकोत्तर के फाइनल ईयर के परीक्षार्थी मन ल आफलाइन परीक्षा ले जाही। बाकि दूसर साल के आनलाइन होही।
ए आदेश जारी होय के कुछु घंटा बाद (Chhattisgarh) राज्यपाल के निर्देश ले उच्च शिक्षा विभाग के उपसचिव जीएल सांकला ह नवा आदेश जारी करिन, जेखर अनुसार प्रदेश के सबो निजी अउ सरकारी विश्वविद्यालय म शिक्षा सत्र 2020-21 के परीक्षा ल आनलाइन आयोजित करे जाही। बिना अनुमति के कोनो परीक्षा शासन के पूर्व अनुमति के बगैर आफलाइन आयोजित नई करे जाही।
