chhattisgarh के गांव म बनही अब निजी अस्पताल, ग्रामीण इलाका म अस्पताल निर्माण बर राज्य सरकार देही अनुदान

जय जोहार…. (chhattisgarh) ग्रामीण क्षेत्र म स्वास्थ्य सुविधा ल अउ मजबूती प्रदान करे बर सीएम भूपेश बघेल ह अब निजी क्षेत्र के घलो सहयोग ले के निर्देस देहे। सीएम बघेल ह किहीन कि ग्रामीण इलाका म विशेसज्ञ चिकित्सक मन के सेवा उपलब्ध हो सके, एखर बर सबो सासकीय अस्पताल म स्वास्थ्य सेवा के विस्तार के संगेसंग स्वास्थ्य अधोसंरचना के निर्माण म निजी क्षेत्र के सहयोग घलो ले जाही।

विसेस कर के ग्रामीण क्षेत्र म अस्पताल निर्माण बर निजी क्षेत्र ल राज्य सरकार डहार ले अनुदान घलो दे जाही। (chhattisgarh) सीएम बघेल ह उद्योग विभाग अवइया 10 दिन म एखर कार्य योजना ल तैयार करे के निर्देस देहे। सीएम बघेल ह किहीन कि स्वास्थ्य अधोसंरचना के विस्तार बर विसेस कर ग्रामीण इलाका म सबो सासकीय अस्पताल म सुविधा म वृद्धि के संग निजी क्षेत्र के सहायता ले जाना आवश्यक हे।

वो हा किहीन कि राज्य म उद्योग के स्थापना बर आने प्रकार के अनुदान दे जात हे। ये अनुदान ल सेवा क्षेत्र के उद्योग ल घलो दे जात हे। (chhattisgarh) वर्तमान म स्वास्थ्य विभाग डहार ले निजी क्षेत्र के अस्पताल के स्थापना बर कोनो प्रोत्साहन दे जाय के प्रावधान नई हे। ऐखर सेती स्वास्थ्य अधोसंरचना ल सुदृढ बनाय बर निजी क्षेत्र ल ग्रामीण क्षेत्र म अस्पताल स्थापना बर प्रोत्साहित करे बर अनुदान दे जाही ।