Train: राजेंद्रनगर-दुर्ग-राजेंद्रनगर स्पेशल ट्रेन के परिचालन म हो गे विस्तार, अब 2 फरवरी तक चलही

जय जोहार…. (Train) रेल यात्री मन के सुविधा ल देखत हुये दक्षिण पूर्व मध्य रेलवे ले होके जवइया राजेंद्रनगर-दुर्ग-राजेंद्रनगर पूजा स्पेशल ट्रेन के परिचालन म विस्तार कर गे हे। अब ये ट्रेन ह 2 फरवरी तक चलही।

ट्रेन (Train) संख्या 03288 राजेंद्रनगर-दुर्ग पूजा स्पेशल ट्रेन ह राजेंद्रनगर ले 31 दिसंबर तक चलत हे। ए गाड़ी के परिचालन ल 31 जनवरी तक करे गे हे।

अइसने विपरीत दिशा म घलो गाड़ी संख्या 03287 दुर्ग-राजेंद्रनगर पूजा स्पेशल ट्रेन (Train) ह दुर्ग ले 2 जनवरी तक चलत हे। ए गाड़ी के परिचालन ल 2 फरवरी तक विस्तार करे गे हे