जय जोहार…. प्रदेश म कांग्रेस सरकार के तरफ ले सार्वजनिक स्थल म कोरोना ले रोकथाम बर आरटीपीसीआर टेस्ट कराय जावत हे। पूरा देश म छत्तीसगढ़ सरकार के तरफ ले ए पहिला अभियान हे।
जेमा ठेला-गुमटी, सब्जी बेचइया अउ आन सार्वजनिक स्थल म छोटा व्यापार करइया के मुंह अउ नाक के सैम्पल ले के जांच करे जावत हे। ए दौरान रायपुर पश्चिम के विधायक विकास उपाध्याय ह पीपीई किट पहन के स्वयं स्वास्थ्य विभाग के टीम के संग उपस्थित रिहिस।
कोरोना के जांच ह टाटीबंध के मंगलबाजार अउ ईदगाह भाठा मैदान म लगइया बाजार म ले जावत हे। राज्य सरकार के निर्देश म रायपुर नगर निगम के संग स्वास्थ्य विभाग के टीम के तरफ ले सार्वजनिक स्थल म व्यापार करइया लोगन मन के सैम्पल ले जावत हे। जेखर ले कोरोना संक्रमित मरीज मन के जियादा जानकारी ह एकत्रित हो सके।
No Comment! Be the first one.