स्मार्ट कार्ड के खेल ख़तम , अब होही राशन कार्ड ले मुफ्त इलाज , १८० लाईलाज बिमारी ल करे गे हे शामिल

जय जोहार रायपुर… राज्य सरकार एक आदेश पारित करे हे जेमा स्मार्ट कार्ड के अनिवार्यता ल खत्म कर दे गे हे अऊ ओखर जगह खूबचंद बघेल स्वाथ्य योजना के अंतर्गत अन्त्योदय राशन कार्ड धारी मन ल मुफ्त इलाज के लाभ मिलही, ये योजना अनुबंधित अस्पताल मन म होही,बता दन कि पहिली स्मार्ट कार्ड म पचास हजार तक के मुफ्त इलाज के सुविधा रिहिस

जेमा कोई भी स्मार्ट कार्ड धारी एखर लाभ लेत रिहिस , लेकिन अब जादा खर्च वाले इलाज बर अन्त्योदय राशन कार्ड अनिवार्य हे, बीते शुक्रवार के ये आदेश पारित करे गे हे, सरकार ये योजना गरीब मन बर लाय हे जेन मन पैसा के आभाव म इलाज नई करा पात रिहिन,बता दन कि ये योजना म एक सौ अस्सी बिमारी ल शामिल करे गे हे .