chhattisgarh: श्रमिक मन ल पंजीयन बर अब नइ लगय शुल्क, श्रम मंत्री डॉ. डहरिया ह देहे निर्देस
जय जोहार…. प्रदेस ((chhattisgarh )) के श्रमिक मन ले अब कोनो प्रकार के पंजीयन शुल्क नई ले जाहि। छत्तीसगढ़ भवन अउ अन्य सन्निर्माण कर्मकार कल्याण मंडल के बइठक म श्रम मंत्री डॉ शिवकुमार डहरिया ह श्रमिक मन ले पंजीयन के रासि नई ले जाए बर निर्देसित करीन।
मंत्री डॉ डहरिया ह ये घलो सुनिश्चितकरे के निर्देस देहे कि सासन के आने योजना ले श्रमिक अउ ओखर परिवार ल प्रदान करे जवइया रासि, छात्रवृत्ति के रासि सीधा श्रमिक मन के बैंक खाता म अंतरण करे। ((chhattisgarh )) वो हा श्रमिक मन के पंजीयन शुल्क के वहन ल छत्तीसगढ़ भवन अउ अन्य सन्निर्माण कर्मकार कल्याण मंडल ल करे के निर्देस देहे।
(chhattisgarh )अटलनगर, नवा रायपुर कार्यालय म श्रम मंत्री डॉ डहरिया की अध्यक्षता में आयोजित बइठक म वो हा निर्देसित करीन कि मंडल आने माध्यम ले अपन आय बढ़ाय के दिसा म कार्य करे। मंत्री डॉ डहरिया ह योजना वार आबंटन अउ बजट के अनुसार आय- व्यय के समीक्षा करीन। ए दउरान श्रमिक मन के कल्याण के दिसा म महत्वपूर्ण निर्णय ले गे हे।
