भारत म दू लाख ले जियादा पहुंचिस कोरोना मरीज मन के संख्या, 24 घंटा म 217 लोगन मन के होइस मौत

जय जोहार…. देश म कोरोना संक्रमित मरीज मन के संख्या ह दू लाख ले जियादा हो गे हे। पिछिले 24 घंटा म कोरोना वायरस कोविड-19 के 8909 नवा मामले सामने आये हे। स्वास्थ्य मंत्रालय के रिपोर्ट के मुताबिक देश म कुल संक्रमित मन के संख्या ह 2 लाख 7 हजार 615 पहुंच गे हे। एमा ले 5815 लोगन मन के जान चले गे हे। जबकि एक लाख ले जियादा मरीज ह कोरोना ले स्वस्थ होके अपन घर लहुट चुके हे। देश म कुल सक्रिय मामले एक लाख एक हजार 497 हे। एक दिन म 217 लोगन मन के मौत घलो होय हे।

कोरोना ले सबले जियादा प्रभावित राज्य महाराष्ट्र हे। इहां पिछिले 24 घंटा म 2287 नवा मामले आ चुके हे। जबकि 102 लोगन मन के मौत हो गे हे। एखर संग महाराष्ट्र म कुल केस के संख्या ह 72300 हो गे हे। ए वायरस ले 2465 लोगन मन के जान चले गे हे।