अपन गला ल काट के नर्स ह करिस आत्महत्या के प्रयास, अस्पताल म भरर्ती

अंबिकापुर. जिले के स्थानीय मेडिकल कॉलेज म पदस्थ एक स्टाफ़ नर्स ह अपन गला ल काट के आत्महत्या करे के प्रयास करिन हे। वो स्टाप नर्स के नाम तनूजा चौहान हरे, जेला इलाज बर अस्पताल म भरती कराए गे हे, जिहां ओखर हालत ह फिलहाल स्थिर बतात हे।

स्टाफ नर्स तनूजा चौहान ह विभाग अधीक्षक डॉ रविकान्त दास, मेट्रन द्रौपदी राज अउ रश्मि लवांगो के नाम के उल्लेख करत प्रताड़ना के आरोप लगईन हे। नर्स तनूजा के आरोप हाबय कि ओला बीते तीन महीना ले तनख्वाह घलो नई देवत रहीस हे। इही  बात ल ले के वो ह परेशान होके आत्महत्या करे के कोशिश करिस हे। वो ह धमकी दे हे कि प्रताड़ित करई ह बंद नई होही त आत्मदाह कर लिही। पुलिस ह मामला के जांच  करत हे।