अपेक्स बैंक के अधिकारी मन के हल्ला बोल, 25 से अनिश्चितकाली हड़ताल के चेतावनी

रायपुर. अपेक्स बैंक एम्प्लॉइस ऑफिसर यूनियन ह वेतनमान के मांग ले लेके हल्ला बोल दे हे। अपन मांग ल लेके बैंक के काम ल बंद करे के चेतावनी घलो देत हे। इही कड़ी म आज विरोध करत यूनियन के सदस्य मन ह बैंक के जम्मो शाखा म काला पट्‌टी लगा के काम करे हे।

यूनियन ह 18 फरवरी के सामूहिक अवकाश ले के फैसला ले हे। उहें मांगे पूरा नई होही त 25 फरवरी ले अनिश्चितकालीन हड़ताल म जाए के चेतावनी दे हे। आज रायपुर अऊ जम्मो प्रदेश भर म स्थित शाखा म काला पट्टी लगाके भोजन अ‌वकाश के दउरान विरोध करे गिस। संगे संग पंडरी स्थित ऑफिस म नारेबाजी करे गे हे।